Ijtimoiy tarmoqlarda “Toshkent viloyatida ayol 4 nafar erkak tomonidan zo`rlandi” izohi bilan xabar tarqalmoqda. Holat yuzasidan Toshkent viloyati IIBB ma`lumot berdi.
Ma`lum qilinishicha, mazkur holat 2022 yilning 28 dekabr kuni Bo`stonliq tumani “Chimboyli” qishlog`i hududida sodir bo`lgan.
Holat yuzasidan 25-27 yoshli 4 nafar gumonlanuvchi (tezkor) prosessual tartibda ushlangan. Ularga nisbatan O`zbekiston Respublikasining JK 118 moddasi 2 qismi bilan jinoyat ishi qo`zg`atilgan. Ehtiyot chorasi sifatida “qamoq” tanlangan.
Hozirda tergov harakatlari davom etmoqda. Shuningdek, holat yuzasidan 10 yaqin sud tibbiy va boshqa turdagi ekspertiza tayinlangan.
