Turkiya prezidenti Rajab Toyyib Erdo`g`on Turkiyada ishlab chiqarilgan Togg T10X elektromobilining birinchi egasi bo`ldi. Bu haqda "Anadolu" xabar qildi.
Anqaradagi Prezident majmuida avtomobil kalitlarini tantanali topshirish marosimi bo`lib o`tdi. Marosimda Turkiya prezidentining rafiqasi Emine Erdo`g`on ham ishtirok etdi.
"Bugundan boshlab biz "Togg"ni yo`llarda ko`ramiz", dedi Turkiya rahbari tadbirdagi nutqida.
Prezident Erdo`g`on "Togg" nafaqat Turkiyada, balki butun dunyoda avtomobil ixlosmandlari orasida shuhrat qozonishiga ishonch bildirdi.
Turkiyada ishlab chiqarilgan ilk elektromobil modeli – "Togg T10X"ni xarid qilish uchun arizalarni joylashtirish jarayoni boshlanganidan beri jami 177 467 ta oldindan buyurtma olindi.
