15 oktyabr kuni Toshkent shahrida O`zbekiston «Milliy Tiklanish» demokratik partiyasining V S`ezdi bo`lib o`tdi. Unda joylardan saylangan delegatlar, partiya Markaziy Kengashi, Markaziy nazorat-taftish komissiyasi va partiyaning Oliy Majlis Qonunchilik palatasidagi fraksiyasi a`zolari ishtirok etdilar.
S`ezdda 2016 yil 4 dekabr kun bo`lib o`tadigan Prezident saylovida partiyadan O`zbekiston Respublikasi Prezidentligiga ko`rsatilgan nomzodni tasdiqlash masalasi muhokama etildi.
Amaldagi saylov qonunchiligiga asosan, O`zbekiston Respublikasi Prezidentligiga nomzod ko`rsatish huquqiga siyosiy partiyalar egadirlar. Shu bilan birga qonunchilik va partiyaning Ustaviga muvofiq, O`zbekiston Respublikasi Prezidenti lavozimiga partiya tomonidan nomzod ko`rsatish partiyaning oliy organi – S`ezdi tomonidan amalga oshiriladi.
Delegatlar partiyaning VII Plenumida S`ezdda ko`rib chiqish uchun tavsiya etilgan “Milliy tiklanish” demokratik partiyasi Markaziy Kengashi raisi, partiyaning Oliy Majlis Qonunchilik palatasi fraksiya rahbari Sarvar Sadullaevich Otamuratovni partiyadan O`zbekiston Respublikasi Prezidentligi nomzod sifatida tasdiqladilar.
S`ezdda nomzod delegatlarni saylovoldi Dasturi bilan tanishtirdi. Delegatlar mazkur saylovoldi Dasturi yuzasidan o`z fikr-mulohazalarini bildirdilar.
S`ezdda ta`kidlanganidek, yurtimizda amalga oshirilgan demokratik islohotlar natijasida siyosiy partiyalar uchun teng huquq va imkoniyatlar yaratib berilgan. Ulardan to`la foydalangan holda partiya elektorati hamda dasturiy maqsad va g`oyalardan kelib chiqib, O`zbekiston Respublikasi Prezidentligiga bo`lib o`tadigan saylovda partiyaning munosib ishtirokini ta`minlash eng muhim vazifadir.
Shuningdek, S`ezd kun tartibidagi boshqa masalalar bo`yicha hududiy partiya tashkilotlari rahbarlari oldiga tegishli vazifalar qo`yildi. Partiyaning saylov kampaniyasini uyushqoqlik bilan o`tkazishni ta`minlash borasida bir qator vazifalar belgilandi.
S`ezd so`ngida muhokama etilgan barcha masalalar yuzasidan tegishli qarorlar qabul qilindi.
01.04.2024, 09:13
Avval xabar qilganimizdek, yakshanba kuni Turkiyada mahalliy hokimiyatlarga saylovlar bo`lib o`tdi. Bayonnomalarning 93 foiz sanab chiqilganda, Respublika xalq partiyasi 37,4 foiz, hukmron Adolat va taraqqiyot...
18.03.2024, 10:51
O`zbekiston Respublikasi Prezidenti Shavkat Mirziyoev Rossiya Federasiyasi Prezidenti Vladimir Putinni bo`lib o`tgan Prezident saylovida qozongan ishonchli g`alabasi bilan tabrikladi. Bu haqda Prezident matbuot xizmati xabar...
26.08.2022, 10:19
24 avgust kuni Angolada prezidentlik hamda parlament saylovlari bo`lib o`tdi. Bu haqda O`zbekiston Markaziy saylov komissiyasi xabar qildi. Ma`lum qilinishicha, Angolada parlament saylovi 2 xil tarzda...
15.10.2021, 19:31
O`zbekiston Elektron Ommaviy axborot vositalari milliy asossiasiyasi boshqaruv raisi Firdavs Abduholiqov tashkil etilgan “Media xoll” haqida quyidagilarni so`zlab berdi:— 14 oktyabr kuni O`zbekiston Elektron Ommaviy Axborot Vositalari...
