Huquq-tartibot idoralari Janubiy Koreya prezidenti Yun Sek Yolning qaynonasini bank hisobidagi qoldiq hujjatini qalbakilashtirgani uchun hibsga oldi, deb xabar berdi Yonhap axborot agentligi. Davlat rahbarining qarindoshi Choy Eun Soon hozir 78 yoshda.
Ma`lum qilinishicha, hibsga olish sud uning 2021 yilgi qamoq jazosi ustidan shikoyatini rad etganidan keyin sodir bo`ldi. U qonunni buzgani uchun bir yil qamoq jazosiga hukm qilinishi mumkin, ikki yil oldin Choy Eun Soon hibsga olinmagan edi.
Sud majlisida u o`zining aybsizligini e`lon qildi va shikoyat rad etilganidan keyin hushidan ketdi. Ayol hisob raqamiga 34,7 milliard von (taxminan 27 million dollar) kiritilganligi haqidagi guvohnomani qalbakilashtirishda ayblanmoqda. U hujjatdan 2013 yilda er sotib olish uchun foydalangan. Sud buni og`ir jinoyat deb topdi.
Janubiy Koreya prezidentining qaynonasi 2015 yilda ham firibgarlik ishiga aralashgan edi. Keyin uni tibbiy lisenziyasiz qariyalar markazini ochganlikda ayblashdi. Buning uchun Choy Eun Soon davlat sug`urtasidan 1,7 million dollar olgan. Ammo o`tgan yili Seul sudi ayolni aybsiz deb topdi.
