Ҳуқуқ-тартибот идоралари Жанубий Корея президенти Юн Сек Ёлнинг қайнонасини банк ҳисобидаги қолдиқ ҳужжатини қалбакилаштиргани учун ҳибсга олди, деб хабар берди Yonhap ахборот агентлиги. Давлат раҳбарининг қариндоши Чой Эун Соон ҳозир 78 ёшда.
Маълум қилинишича, ҳибсга олиш суд унинг 2021 йилги қамоқ жазоси устидан шикоятини рад этганидан кейин содир бўлди. У қонунни бузгани учун бир йил қамоқ жазосига ҳукм қилиниши мумкин, икки йил олдин Чой Эун Соон ҳибсга олинмаган эди.
Суд мажлисида у ўзининг айбсизлигини эълон қилди ва шикоят рад этилганидан кейин ҳушидан кетди. Аёл ҳисоб рақамига 34,7 миллиард вон (тахминан 27 миллион доллар) киритилганлиги ҳақидаги гувоҳномани қалбакилаштиришда айбланмоқда. У ҳужжатдан 2013 йилда ер сотиб олиш учун фойдаланган. Суд буни оғир жиноят деб топди.
Жанубий Корея президентининг қайнонаси 2015 йилда ҳам фирибгарлик ишига аралашган эди. Кейин уни тиббий лицензиясиз қариялар марказини очганликда айблашди. Бунинг учун Чой Эун Соон давлат суғуртасидан 1,7 миллион доллар олган. Аммо ўтган йили Сеул суди аёлни айбсиз деб топди.
