Mandat.uzbmb.uz saytiga qo`shimcha kvota doirasida tanlovda ishtirok etadigan imtiyozga ega abiturientlar to`g`risidagi ma`lumotlar joylashtirildi.
Bu haqda Bilim va malakalarni baholash agentligi xabar qildi.
Endilikda mandat.uzbmb.uz saytidagi "Bakalavr-2023" bo`limining "Imtiyozli" qismidan tegishli imtiyoz turini tanlagan holda ushbu imtiyozga ega abiturientlar to`g`risidagi ma`lumotlarni ko`rish mumkin.
Bunda abiturientlarning ro`yxati ularning to`plagan ballari asosida tartiblanadi va mazkur imtiyoz doirasida ajratilgan qo`shimcha qabul ko`rsatkichlari soni ham ko`rsatiladi.
Imtiyoz asosida qo`shimcha kvota doirasida talabalikka tavsiya etilmagan abiturientlar barcha abiturientlar kabi umumiy tanlovda ishtirok etadi.
