Farg`onaning ikki tumanida zaharlanish holati qayd etildi. Bu haqda “darakchi.uz”ga Bosh prokuratura matbuot xizmati xabar qildi.
Ma`lum qilinishicha, kecha, 5 sentyabr kuni Qo`shtepa tumanida yashovchi 2 nafar fuqaro noma`lum moddadan zaharlanish oqibatida sog`lig`i yomonlashib, tuman tibbiyot birlashmasiga olib kelingan.
Shuningdek, shu kuni Oltiariq tumanida yashovchi 5 nafar fuqaro ham noma`lum moddadan zaharlanib, tuman tibbiyot birlashmasiga murojaat qilgan.
Tergovga qadar tekshiruv davomida Qo`shtepa tumanida yashovchi fuqaro A.D. bir guruh shaxslar bilan til biriktirib, o`tkazish maqsadini ko`zlab, qo`lbola usulda alkogolli mahsulotlar tayyorlab, ushbu mahsulotlarga “AKTAU” va “KARATAU” nomli savdo belgili yorliqlarni yopishtirib, umumiy ovqatlanish shahobchasi va bir oilaviy korxonasiga ushbu alkogol mahsulotini sotganligi aniqlangan.
Mazkur holat yuzasidan JKning 186- va 186-1-moddalari bilan jinoyat ishi qo`zg`atilib, gumon qilinuvchi A.D.prosessual tartibda ushlandi.
Tergov davom etmokda.
