Toshkent shahrida qurilish olib borayotgan "ASCENDANT GROUP" MChJ daraxt va butalarga shikast etkazish oqibatida tabiatga 248 million 94 ming so`m zarar etkazdi. Bu haqda Toshkent shahar Ekologiya boshqarmasi matbuot xizmati ma`lum qildi.
Qayd etilishicha, poytaxtda qurilish olib borayotgan "ASCENDANT GROUP" MChJ daraxt va butalarga shikast etkazish javobgarlikka sabab bo`lishi mumkinligi to`g`risida ogohlantirilgan. Qurilish maydonidagi jami 30 tup daraxt xatlovdan o`tkazilgan.
Shunga qaramay qurilish ishlarini olib borish jarayonida qonun buzilishi holatiga yo`l qo`ygan.
Aniqlashicha, hududdagi 3 tup o`rik, 2 tup gilos, 1 tup xurmo daraxtlari hamda 3 tup chinor, 1 tup shumtol daraxtlari o`sishdan to`xtaydigan darajada shikastlantirilgan. Buning oqibatda tabiatga 248 million 94 ming so`m zarar etkazilgan.
Hozirda mazkur holat yuzasidan to`plangan hujjatlar Prokuratura organlariga taqdim etilgan.
