"Uzbekistan airways"ning ma`lum qilishicha, 15–16 iyun kunlari Istanbul shahrida bo`lib o`tgan O`zbekiston va Turkiya aviasiya ma`muriyatlarining maslahatlashuvlarida qator kelishuvlarga erishilgan.
Ikki davlat o`rtasidagi aviaqatnovlar sonini oshirish va yangi yo`nalishlar ochish bo`yicha erishilgan kelishuvga asosan “Uzbekistan airways" aviakompaniyasi Toshkent – Anqara – Toshkent yo`nalishida muntazam qatnovlarni yo`lga qo`yadi.
Aviakompaniya qishki mavsumda ushbu yo`nalishda haftasiga bir marotaba muntazam parvozlarni amalga oshiradi.
