Qashqadaryoda o`z uyida iste`molga yaroqsiz yog` mahsulotlarini ishlab chiqarayotgan fuqaro qo`lga tushdi

Bosh prokuratura huzuridagi Departamentning Chiroqchi tuman bo`limi tomonidan IIB xodimlari bilan hamkorlikda o`tkazilgan tezkor tadbirda  “A.Q.” oilaviy korxonasi rahbari Q.A. o`z uyining yordamchi xo`jaligida qo`lbola usulda tayyorlangan juvoz uskunalarini o`rnatib, iste`molchilarning hayoti va sog`lig`i xavfsizligi talablariga javob bermaydigan yog` mahsulotlarini ishlab chiqarayotganligi aniqlanib, 108,8 litr yog`, 210 kg chigit, 4 dona juvoz uskunasi hamda 2 dona elektr dvigatel va boshqa tovar moddiy boyliklar ashyoviy dalil sifatida olingan.

Mazkur holat yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishi qo`zg`atilib, tergov harakatlari o`tkazilmoqda.