O`zbekistonda 2023 yil birinchi yarmidagi holatga ko`ra, 25 ming 413 nafar fuqarolikka ega bo`lmagan shaxs yashaydi. Bu haqda Inson huquqlari bo`yicha O`zbekiston
Milliy markazining matbuot xizmati xabar bermoqda.
Ta`kidlanishicha, bu Markaziy Osiyo mintaqasidagi davlatlar orasida eng katta ko`rsatkich bo`lib, ayni shaxslarning aksariyati sovet ittifoqi sobiq fuqarolari va ularning avlodlari hisoblanadi.
O`zbekiston Milliy markazi direktori Akmal Saidov hukumat mamlakat hududida fuqarolikka ega emaslik holatlarini kamaytirish va tugatish yo`lida qat`iy qadamlar qo`yayotganini qayd etdi. O`zbekistonda 2014 yildan e`tiboran yuz ming nafardan ortiq shaxsning fuqarolikka ega emasligi aniqlangan bo`lib, o`tgan davrda shundan 83 ming 793 nafarining bu muammolari ijobiy hal etilgan.
