Ijtimoiy tarmoqlarida fuqaroni uyidan chaqirib, ostonada kaltaklab ketilganligi haqida xabar tarqaldi.
Farg`ona viloyati IIB holat yuzasidan ma`lumot berdi.
Aniqlanishicha, joriy yilning 12 sentyabr kuni N.A. videomurojaatdagi M.A.ning yashash uyi yaqinida o`zaro kelishmovchilik sababli uning yuz qismiga qo`li bilan urib, tan jarohati etkazgan.
Mazkur holat shu kunning o`zida Marg`ilon shahar IIB tomonidan tegishli tartibda ro`yxatga olinib, tergovga qadar tekshiruv harakatlari olib borilgan.
Sudga oid tibbiyot ekspertizasining 2023 yil 21 sentyabr kungi xulosasiga ko`ra, M.A.ning olgan jarohati o`rtacha og`ir shikastlar toifasiga kirishligi ko`rsatilgan.
Mazkur holat yuzasidan Jinoyat kodeksining 105-moddasi 1-qismi bilan jinoyat ishi qo`zg`atilib, dastlabki tergov harakatlari olib borilmoqda.
