Ijtimoiy tarmoqlarda Namangan viloyati Chust tumanida 90 nafarga yaqin bola yod preparatidan zaharlangani aytildi. Viloyat SSB boshqarma boshlig`i holat bo`yicha bildirishnoma bilan chiqdi.
Unda aytilishicha, 2023 yilning 21 sentyabr kuni soat 16-00 dan boshlab, Chust tuman tibbiyot birlashmasi qabulxona bo`limiga tumanning maktabgacha ta`lim muassasalaridan bolalar tana haroratini ko`tarilishi, ayrimlarida qorin og`rig`i, ich surilishi va qusish shikoyatlari bilan bolalar marojaat eta boshlagan. 23-MTM dan 35 nafar, 51-MTM dan 20 nafar, 18-MTM dan 5 nafar, 36-MTM dan 3 nafar, 7- o`rta talim maktabidan 1 nafar, 43-MTM dan 1 nafar, 21-o`rta talim maktabidan 1 nafar, 30-MTM 2 nafar, 35-MTM dan 1 nafar 34-MTM dan 1 nafar, oilaviy MTM dan 1 nafar jami, 71 nafar bolalarni sog`lig`idan murojaat kelib tushgan.
“Boshqarma tomonidan zudlik bilan ishchi gurux tuzilib, surishtiruv va tekshiruv ishlari olib borildi. Hozirgi vaqtga 9 nafari holati yaxshi bo`lganligi sabab, uyiga ruxsat berildi. Qolgan bolalar xolati nazoratda. Reanimasion bolalar yo`q. Barcha tekshiruvlar xulosasi chiqqach yakuniy ma`lumot beriladi”, deyilgan xabarda.