Bakalavriatga, magistraturaga an`anaviy va super-kontrakt asosida o`qishga qabul qilingan birinchi bosqich talabalariga kontrakt to`lash muddati uzaydi.
1-kursga tavsiya etilganlar uchun to`lov-kontrakt mablag`larini to`lash muddati 15 oktyabrga qadar uzaytirildi. Bu haqda Oliy ta`lim, fan va innovasiyalar vazirligi xabar berdi.
Davlat komissiyasining tegishli bayoni bilan 2023/2024-o`quv yilida oliy ta`lim muassasalari bakalavriati va magistraturasiga to`lov-kontrakt, jumladan, tabaqalashtirilgan to`lov-kontrakt asosida talabalikka tavsiya etilgan abiturientlar o`qishi uchun to`lov haqini o`tkazish hamda talabalar safiga qabul qilishni rasmiylashtirishning so`nggi muddati 2023 yilning 15 oktyabri etib belgilandi.
