AsosiyJamiyat

Dehli - Toshkent yo`nalishida yangi aviareys qo`yildi

'Dehli - Toshkent yo`nalishida yangi aviareys qo`yildi'ning rasmi

​​“IndiGo Airlines” Dehlidan Toshkentga to`g`ridan-to`g`ri reyslarni yo`lga qo`ydi. Bu haqda O`zbekiston havo yo`llari matbuot xizmati xabar qilmoqda.

22 sentyabr kuni Hindistonning “IndiGo” aviakompaniyasi Dehli – Toshkent – ​​Dehli yo`nalishi bo`yicha ilk parvozini amalga oshirdi.

Toshkent vaqti bilan soat 23:09 da bortida 167 yo`lovchisi bilan samolyot poytaxt aeroportiga kelib qo`ndi. An`anaga ko`ra, samolyot suv arkasi bilan tantanali ravishda kutib olindi. Dehliga uchayotgan yo`lovchilar uchun tantanali ro`yxatdan o`tkazish marosimi bo`lib o`tdi.

Hindiston aviakompaniyasining muntazam parvozlari qulay A-320 samolyotlarida haftasiga to`rt marta - dushanba, seshanba, payshanba va shanba kunlari amalga oshiriladi.

IndiGo — bosh qarorgohi Hindistonning Gurgaon shahrida joylashgan hind xususiy loukoster aviakompaniyasi. Kompaniya muntazam qatnovlar va samolyotlar soni bo`yicha mamlakatdagi eng yirik aviatashuvchi hisoblanadi.

    Bizni ijtimoiy tarmoqlarda kuzatib boring

    Boshqa yangiliklar