Suriyadagi "Imom al Buxoriy katibasi" terrochilik tashkiloti media markazi rahbari, asli namanganlik Davlatov Sherali Odiljonovich qidirilmoqda.
Davlatov Sherali 1985 yil Namangan viloyatida tug`ilgan. U 2013 yil ishlash maqsadida Rossiya davlatiga ketgan. U erda xalqaro terrorchilik tashkiloti rahnamolarining salbiy ta`siri ostida jihodchilar diniy ekstrimistik oqimining Moskva jamoatiga qo`shilib, jamoat etakchilarining ko`rsatmasiga ko`ra, 2014 yil fevral oyida Suriyaga o`tib jangovor harakatlarda ishtirok etgan.
U Fasebook ijtimoiy tarmog`idagi "Alixonto`ra Shokirjon o`g`li" profilini yuritib keladi. Uning ushbu profili O`zbekiston Respublikasi Oliy Sudi tomonidan ekstrimizm va terrorizm g`oyalari bilan yo`g`rilgan deb topilgan va O`zbekiston Respublikasi hududiga olib kirish, tayyorlash, tarqatish va namoyish qilish ta`qiqlangan materiallar ro`yxatiga kiritilgan.
Sherali Davlatovga nisbatan O`zbekiston Respublikasi Jinoyat Kodeksining 155 prim 2, 244 prim 2 va 223-moddalari bilan jinoyat ishi qo`zg`atilib, qidiruv e`lon qilingan.
