Fransiya Nigerda hokimiyatni qo`lga kiritgan isyonchilar bilan harbiy hamkorlikdan bosh tortmoqda va yil oxirigacha bu Afrika dvlatidan o`z harbiylarini olib chiqadi. Bu haqda Fransiya prezidenti Emmanuel Makron TF1 va France 2 telekanallariga bergan intervyusida ma`lum qildi deb xabar bermoqda Zamon.uz.
"Biz hozirgi Niger hukumati bilan harbiy hamkorlikni to`xtatamiz, chunki ular endi terrorizmga qarshi kurashmoqchi emas. Biz qo`shinlarimizni tartibli ravishda olib chiqib ketishimiz zarur. Bu yaqin haftalar ichida tashkil qilinadi. Ushbu qaror Niger bilan harbiy hamkorlik o`z yakuniga etanini anglatadi", — deydi Fransiya prezidenti.
Makronning aytishicha, Fransiya harbiylarini Niger hududidan to`liq olib chiqish joriy yil oxirigacha amalga oshiriladi. Shuningdek, u Fransiya harbiylarining Nigerdan olib chiqilishi isyonchilar bilan kelishilgan holda amalga oshirilishini qayd etgan.
Shuningdek, Makron, Fransiya Niameydagi elchisi va Nigerdagi barcha elchixona xodimlarini chaqirib olishini ham ma`lum qildi.
Ma`lumot uchun: Nigerdagi fransuz harbiy kontingenti taxminan 1,5 ming askarni tashkil qiladi.
