Франция Нигерда ҳокимиятни қўлга киритган исёнчилар билан ҳарбий ҳамкорликдан бош тортмоқда ва йил охиригача бу Африка двлатидан ўз ҳарбийларини олиб чиқади. Бу ҳақда Франция президенти Эммануэл Макрон TF1 ва France 2 телеканалларига берган интервьюсида маълум қилди деб хабар бермоқда Zamon.uz.
"Биз ҳозирги Нигер ҳукумати билан ҳарбий ҳамкорликни тўхтатамиз, чунки улар энди терроризмга қарши курашмоқчи эмас. Биз қўшинларимизни тартибли равишда олиб чиқиб кетишимиз зарур. Бу яқин ҳафталар ичида ташкил қилинади. Ушбу қарор Нигер билан ҳарбий ҳамкорлик ўз якунига етанини англатади", — дейди Франция президенти.
Макроннинг айтишича, Франция ҳарбийларини Нигер ҳудудидан тўлиқ олиб чиқиш жорий йил охиригача амалга оширилади. Шунингдек, у Франция ҳарбийларининг Нигердан олиб чиқилиши исёнчилар билан келишилган ҳолда амалга оширилишини қайд этган.
Шунингдек, Макрон, Франция Ниамейдаги элчиси ва Нигердаги барча элчихона ходимларини чақириб олишини ҳам маълум қилди.
Маълумот учун: Нигердаги француз ҳарбий контингенти тахминан 1,5 минг аскарни ташкил қилади.
