Yozef Roja Vengriyaning O`zbekistondagi Favqulodda va Muxtor Elchisi lavozimiga tayinlandi. Bu haqda O`zbekiston Tashqi ishlar vazirligi axborot xizmati xabar berdi.
“Bugun Tashqi ishlar vazirligida Elchining ishonch yorliqlari nusxalarini qabul qilindi hamda hamkorlikning asosiy ustuvor yo`nalishlarini va yaqin istiqboldagi rejalar muhokama qilindi. Janob Elchiga mamlakatdagi yangi diplomatik missiyasi davomida muvaffaqiyatlar tilaymiz”, – deyiladi xabarda.
Ma`lumot uchun, Vengriyaning O`zbekistondagi avvalgi elchisi Gyula Kovach joriy yilning 20 iyul kuni diplomatik missiyasini yakunlagan edi.
