"Uzbekistan Airways" aviakompaniyasining Moskva-Toshkent reysini amalga oshirayotgan HY-604 samolyoti Urganch aeroportida favqulodda qo`nishni amalga oshirdi. Bu haqda aviakompaniya Matbuot xizmati xabar qildi.
Ma`lum bo`lishicha, bortida 236 yo`lovchi bo`lgan Boeing 787 samolyoti ekipaji yo`lovchilardan birining sog`lig`i yomonlashgani sababli zaxira aerodromga uchishga qaror qilgan.
Toshkent vaqti bilan 16:59da samolyot Urganch aeroportiga qo`ngan. Yo`lovchi 1978 yilda tug`ilgan erkak - samolyot bortida vafot etgan.
Ta`kidlanishicha, soat 18:48 da samolyot Urganchdan Toshkentga uchgan.
