Ijtimoiy tarmoqlarda "Milliy bog` bekatidagi poezd buzilib qoldi" mazmunidagi xabarlar tarqalmoqda.
Holat yuzasidan Toshkent metropoliteni rasmiy ma`lumot berdi.
Ma`lumotda qayd etilishicha, joriy yilning 10 oktyabr sanasida soat 17:12 larda Chilonzor yo`nalishining Milliy bog`-Novza peregoni estakasida harakatlanayotgan 29-sonli harakat tarkibida yo`lovchilar oqimi ko`p bo`lgani bois texnik nosozlik holati kuzatilgan. Ushbu harakat tarkibi 12 daqiqa vaqt davomida harakatlana olmagan. Mashinist tomonidan o`rnatilgan tartibda ko`rilgan chora-tadbirlar natijasida poezd harakati qayta yo`lga qo`yilgan.
Hozirgi vaqtda yo`nalishda poezdlar belgilangan jadval asosida amalga oshirilmoqda, deyiladi xabarda.
