Toshkent shahar Yashnobod tumanidagi ishlab chiqarish korxonalarining birida yong`in sodir bo`ldi. Favqulodda vaziyatlar vazirligi holat haqida xabar berdi.
Ma`lum qilinishicha, 3 noyabr kuni soat 10:40 da tumandagi Jarqo`rg`on 3-berk ko`chasi 163-uyda joylashgan ishlab chiqarish korxonasida yong`in bo`layotgani to`g`risida FVBga xabar tushgan.
Shunga ko`ra, 8 ta yong`in-qutqaruv ekipaji hodisa ro`y bergan hududga soat 10:45 da etib borgan. Soat 11:24 da yong`in qurshab olingan va soat 11:54 batamom o`chirilgan.
Yong`in oqibatida fuqarolarni kuyish tan jarohati olish va halok bo`lish holatlari to`g`risida xabar kelib tushmagan.
“Voqea joyiga shahar va tuman FVB rahbar xodimlari chiqqan”, — deyiladi xabarda.
