Тошкент шаҳар Яшнобод туманидаги ишлаб чиқариш корхоналарининг бирида ёнғин содир бўлди. Фавқулодда вазиятлар вазирлиги ҳолат ҳақида хабар берди.
Маълум қилинишича, 3 ноябрь куни соат 10:40 да тумандаги Жарқўрғон 3-берк кўчаси 163-уйда жойлашган ишлаб чиқариш корхонасида ёнғин бўлаётгани тўғрисида ФВБга хабар тушган.
Шунга кўра, 8 та ёнғин-қутқарув экипажи ҳодиса рўй берган ҳудудга соат 10:45 да етиб борган. Соат 11:24 да ёнғин қуршаб олинган ва соат 11:54 батамом ўчирилган.
Ёнғин оқибатида фуқароларни куйиш тан жароҳати олиш ва ҳалок бўлиш ҳолатлари тўғрисида хабар келиб тушмаган.
“Воқеа жойига шаҳар ва туман ФВБ раҳбар ходимлари чиққан”, — дейилади хабарда.
