O`zbekiston Bosh konsulxonasi va BAAdagi faol vatandoshlarimiz ko`magida ushbu mamlakatda mushkul ahvolda qolgan ikki nafar hamyurtimiz vatanga qaytarildi. Buhaqda "Dunyo" AA muxbiri xabar bermoqda.
Ma`lum bo`lishicha, O`zbekistonda ro`yxatdan o`tgan sayyohlik kompaniyasi vakillarining aldovlariga ishonib Umra amallarini ado etish uchun Saudiya Arabistoni tomon yo`lga chiqqan keksa yoshli T.N va uning o`g`li T.B. Dubayda qoldirib ketilgan.
Firibgarning tuzog`iga ilinganliklarini anglagan yurtdoshlarimiz Bosh konsullikka O`zbekistonga qaytish uchun avia chipta hamda mehmonxona xarajatlarini qoplash yuzasidan murojaat qilishgan.
Yordamga muhtoj hamyurtlarimizga Dubay – Toshkent yo`nalishi bo`yicha avia chipta sotib olindi va mehmonxona pullari to`lab berildi. Ular 3 noyabr kuni O`zbekistonga kuzatib qo`yildi.
