Ijtimoiy tarmoqlarda Toshkent shahar hokimining isitish mavsumini boshlash to`g`risidagi qarori qabul qilingan sana mavsumning amaldagi boshlanish sanasidan farq qilishi to`g`risidagi ma`lumotlar tarqalmoqda. Holatga hokimlik rasmiy izoh berdi.
Aniqlik kiritilishicha, 2023-2024 yilgi isitish mavsumiga 3 noyabrda aylanma harakat boshlanishidan texnik start berildi.
Hokim qarorining 2-bandida 2023 yil 3 noyabr soat 00:00 dan boshlab poytaxtda issiqlik manbalaridan issiqlik tizimining aylanma harakat yo`lga qo`yiilishini inobatga olish nazarda tutilgan. Biroq, aylanma harakat boshlanganidan so`ng, bir qator muammolar aniqlandi, o`z navbatida, ularni bartaraf etish qo`shimcha vaqt talab qildi.
6 noyabr kuni, issiqlik ta`minoti tarmog`idagi muammolar bartaraf etilgach, ishga tushirish jadvalga muvofiq boshlandi, lekin ta`mirlash ishlarini inobatga olgan holda, 7 noyabrga o`tdi.
"O`z navbatida, hurmatli axborot manbalaridan bizning sa`y-harakatlarimizni to`g`ri baholashni va tegishli shahar xizmatlari faoliyati ostida ortiqcha ma`no izlamasliklarini so`raymiz. Bizning barcha harakatlarimiz faqat yaxshilikka va poytaxt aholisi uchun qulay yashash sharoitini yaratishga qaratilgan", - deyiladi xabarda.
