Bugun, 13 noyabr kuni “O`zbekiston temir yo`llari” AJga qarashli "Chuqursoy" podstansiyasida yuzaga kelgan nosozlik tufayli, Yunusobod tumanida joylashgan 4-qozonxonaning 2-navbati o`chirildi. Bu haqda Toshkent shahar hokimligi matbuot xizmati xabar bermoqda.
Shu sababli, quyidagi manzillarda issiq suv va issiqlik ta`minoti vaqtincha bo`lmaydi:
Yunusobod tumani:
• Markaz-2, Markaz-4, 5, 6 mavzelarida joylashgan turar joylar, ijtimoiy muassasa va ma`muriy binolar.
• Hakimzoda, J. Obidova, Ergasheva, Niyozbek yo`li, Arifova ko`chalari, A.Temur va Qorasaroy shohko`chalari.
Olmazor tumani:
• Qoraqamish 1/1, Qoraqamish 1/2, Qoraqamish 2/1, Qoraqamish 2/3, Qoraqamish 2/5, Markaz-22 mavzelari, G`ofur G`ulom, Taxtapul, Sebzor, Markaz-17/18, Shimoliy Olmazor, A. Bobojonova, Qorasaroy, Fayzi Baland, Abduraxmonov, Sag`bon, Yolqin, Dadaboev, O`rozboev, Yunusov, Muxbir, Keles yo`li, Noraztepa ko`chalarida joylashgan turar joylar, ijtimoiy muassasa va ma`muriy binolar.
Shayxontohur tumani:
• Zulfiyaxonim, U.Yusupov, Labzak ko`chalarida joylashgan turar joy uylari.
"Noqulayliklar uchun uzr so`raymiz va ta`minot yarim tunga qadar tiklanishini ma`lum qilamiz", - deiyladi xaarda.
