Toshkent shahar soliq boshqarmasi boshlig`i hamda Chilonzor tumani soliq inspeksiyasi mutaxassislari yirik bozor va savdo komplekslarida faoliyat yuritayotgan tadbirkorlar bilan uchrashuv o`tkazdi. Unda bozor ma`muriyati hamda diniy idora vakillari ham ishtirok etdi, deya xabar qilmoqda Soliq qo`mitasi matbuot xizmati.
Uchrashuvda tovarlar uchun to`lovlarni bir jismoniy shaxsning kartasidan boshqa jismoniy shaxsning kartasiga o`tkazish (P2P) orqali hisob-kitob qilish noqonuniy hisoblanishi, sotuvchilar mijozlarga QR-kod va fiskal belgili chek taqdim etishlari shartligi, chek bermaslik qonunchilikda belgilangan tartibda javobgarlikka sabab bo`lishi tushuntirildi.
Soliq xizmati xodimlari tomonidan bozor hududidagi barcha tadbirkorlik sub`ektlariga bu boradagi eslatmalar tarqatib chiqildi.
Ma`lumot uchun: Nazorat-kassa mashinasidan foydalanmaslik va xarid cheki bermaslik jarima solishga sabab bo`ladi
