2023 yil 18 noyabr kuni 32 yoshli Sh.X. o`zi yashab kelayotgan Yunusobod tumanidagi ko`p qavatli turar joy majmuasining 15-qavatidan o`zini tashlab yuborib, joniga qasd qildi. Bu haqda "darakchi.uz"ga Bosh prokuratura matbuot xizmati xabar qildi.
Aniqlanishicha, Sh.X. mazkur xonadonda 2000 yilda tug`ilgan N.R. bilan birga qonuniy nikohdan o`tmasdan istiqomat qilib kelgan. Marhum o`z joniga qasd qilishidan taxminan 2 kun oldin osmonda uchgisi kelayotganligi haqida ayolga aytgan. 18 noyabr kuni erkak ishga bormasdan uyda qolishini ayolga aytgan va N.R. ishdan kelguniga qadar Sh.X. o`z joniga qasd qilgan.
Ma`lum bo`lishicha, marhum 2020 yildan buyon ruhiy asab kasalliklari shifoxonasida “shizofreniya” tashxisi bilan ro`yxatda turib, davolanib kelgan.
Hozirda mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda, o`z joniga qasd qilish sabablari aniqlanib, qonuniy qaror qabul qilinishi ta`minlanadi.
