Quvasoy shahrida 2 tup tolni kesishga ruxsat bergan mahalla raisi jarimaga tortildi.
O`zbekiston Respublikasi Ma`muriy javobgarlik to`g`risidagi kodeksning 79-moddasida daraxtlarni, butalarni, boshqa o`simliklarni va nihollarni qonunga xilof ravishda kesish, kundakov qilish, shikastlantirish, yo`q qilish yoki boshqa joyga ko`chirib o`tkazish uchun javobgarlik belgilangan.
Farg`ona viloyat prokuraturasi, viloyat Ekologiya boshqarmasi Quvasoy shahar bo`limi hamda Milliy gvardiya xodimlari bilan hamkorlikda olib borilgan reyd tadbirlarida Quvasoy shahar "Cho`lpon" mahallasida yashovchi fuqaro T.D.ning uyi oldidan o`tuvchi gaz trubalariga xalal berayotgan 2 tup tol daraxtini kesishga o`zboshimchalik bilan ruxsat bergan mahalla raisi S.Q.ning xatti-harakatiga huquqiy baho berildi.
Holat bo`yicha mahalla raisi S.Q.ga nisbatan MJtKning 79-modda 1-qismi bilan BHMning 10 baravari miqdorida jarima hamda o`simlik dunyosiga etkazilgan 11055000 so`m zarar hisoblandi.