Belarus Respublikasi hukumati delegasiyasi O`zbekistonga tashrif buyuradi

Joriy yilning 4-5 dekabr kunlari Bosh vazir Roman Golovchenko boshchiligidagi  Belarus Respublikasi hukumati delegasiyasi O`zbekistonga tashrif buyuradi. Bu haqda Bosh vazir matbuot kotibi xabar bermoqda. 

Tashrif doirasida ikki mamlakat Bosh vazirlari O`zbekiston va Belarus o`rtasidagi hamkorlik bo`yicha hukumatlararo komissiya yig`ilishida, shuningdek, O`zbekiston-Belarus biznes-forumida ishtirok etishlari ko`zda tutilgan.

Tashrifning asosiy voqealari Samarqand shahrida bo`lib o`tadi, deyiladi xabarda.