Беларусь Республикаси ҳукумати делегацияси Ўзбекистонга ташриф буюради

Жорий йилнинг 4-5 декабрь кунлари Бош вазир Роман Головченко бошчилигидаги  Беларусь Республикаси ҳукумати делегацияси Ўзбекистонга ташриф буюради. Бу ҳақда Бош вазир матбуот котиби хабар бермоқда. 

Ташриф доирасида икки мамлакат Бош вазирлари Ўзбекистон ва Беларусь ўртасидаги ҳамкорлик бўйича ҳукуматлараро комиссия йиғилишида, шунингдек, Ўзбекистон-Беларусь бизнес-форумида иштирок этишлари кўзда тутилган.

Ташрифнинг асосий воқеалари Самарқанд шаҳрида бўлиб ўтади, дейилади хабарда.