Xorazm viloyatida kriminogen vaziyatni yaxshilash, jinoyatlarning oldini olish va huquqbuzarliklar profilaktikasini kuchaytirish maqsadida ichki ishlar organlari tomonidan DXX viloyat boshqarmasi bilan o`zaro hamkorlikda “Xavfsiz hudud - dolzarb qirq kunligi” tezkor-profilaktik tadbirlari o`tkazilmoqda. Bu haqda Xorazm viloyati IIB Axborot xizmati xabar bermoqda.
Jarayonda viloyat hududida turli jinoyatlarga aloqador fuqarolar aniqlanib, gumondorlarning yashash uylarida o`tkazilgan tintuvlar jarayonida 4 kg 800 grammdan ortiq og`irlikdagi giyohvandlik vositalari, 97 dona psixotrop moddalar, 1 ta pnevmatik qurol, 2 ta sovuq qurol (bita va kastet) ashyoviy dalil tariqasida rasmiylashtirib olindi.
Xozirgi kunda yuqoridagi holatlar yuzasidan, O`zbekiston Respublikasi Jinoyat kodeksining 273-moddasi 5-qismi, 276-moddasi 2-qismi, 277-moddasi 2-qismiga asosan jinoyat ishlari qo`zg`atilib, 3 nafar shaxs ehtiyot chorasi sifatida qamoqqa olingan. Dastlabki tergov harakatlari ichki ishlar organlari tomonidan olib borilmoqda.
Bundan tashqari yuqoridagi tezkor-profilaktik tadbir davomida tergov va sud organlaridan yashirinib yurgan 12 nafar shaxs huquqni muhofaza qiluvchi organlar tomonidan ushlandi.