AQSh Senatidagi Respublikachilar immigrasiya siyosati va janubiy chegara nazoratini kuchaytirish talablarini ilgari surmoqda.
Kongressdagi respublikachilar va demokratlar prezident Jo Baydenning Rossiya bosqinchilariga qarshi kurashda Ukrainaga milliardlab dollar mablag` ajratish, Hamas terror guruhining 7 oktyabr kuni uyushtirgan hujumlaridan keyin Isroilga yordam ko`rsatish, shuningdek, Ukrainaga milliardlab dollar ajratish so`roviga qanday javob berishni bir necha oydan beri muhokama qilishmoqda.
Shu tariqa Oq uyning Kongressga xarajatlar to`g`risidagi qonunlarni qabul qilish haqidagi ikkita so`rovi muvaffaqiyasizlikka uchradi. Demokratlarning ta`kidlashicha, ittifoqchilarga yordam global demokratiyani saqlab qolish va avtokratiyalarga qarshi kurashish uchun zarur.
Bir guruh demokrat senatorlar matbuot anjumani o`tkazib, qonun loyihasini bloklash AQShning raqiblariga ham, ittifoqchilariga ham Qo`shma Shtatlar xalqaro hamkorlari bilan birga emasligi haqidagi xabarni yuborishini aytishgan.
Respublikachilar Meksika bilan janubiy chegara orqali haddan tashqari noqonuniy immigrasiya katta xavfsizlik muammosi ekanligini ta`kidlab, ular Bayden ma`muriyatidan chet elga yuborilgan dollarlar uchun ko`proq javobgarlikni talab qilishlarini aytishadi.
