Ayni paytda O`zbekistonda havo harorati keskin sovib, yog`ingarchilik mavsumi bo`lmoqda. Toshkent shahar IIBB ogohlantirish va tavsiya bilan chiqdi.
Qayd etilishicha, qor yog`ayotganda yo`llarda harakatlanish sezilarli darajada qiyinlashishi mumkin.
Yo`llarni qor qoplagan va avtomobil yo`llari muzlagan sharoitda transport vositasini boshqarishda bir qancha qoidalarga rioya etish so`ralmoqda:
- tezlikni pasaytirish;
- tormozni keskin bosmaslik;
- oraliq masofani saqlash;
- g`ildiraklari qishki mavsumga mos bo`lmagan avtomobilni boshqarmaslik kabilar.
“Ob-havo sharoitini inobatga olgan holda, jamoat transportidan foydalanishni tavsiya qilamiz”, - deyiladi xabarda.
