Toshkent shahar ichki ishlar bosh boshqarmasining birinchi o`rinbosari Doniyor Toshxo`jaev 12 dekabr kuni bo`lib o`tgan matbuot anjumanida jinoiy guruhlarga qarshi reyd fonida tadbirkor G`ofur Rahimov haqida tarqalgan xabarlarga izoh berdi.
"Bugun bizda bu shaxsga (G`ofur Rahimov — tahr.) nisbatan jinoiy ish ochilgani yo`q. Bu shaxs [Ichki ishlar bosh boshqarmasiga] olib ketilmagan va qidiruvga ham berilmagan", — dedi Doniyor Toshxo`jaev. Biroq unga nisbatan tergov o`tkazilmoqdami yoki yo`qmi, ma`lum qilmadi.
