BMT Inson huquqlari qo`mitasi Rossiya rasmiylaridan Aleksey Navalniyning qaerdaligi va sog`lig`i haqida ma`lumot berishni talab qildi.
Bundan tashqari, BMT advokatlarga Navalniy bilan zudlik bilan uchrashishga ruxsat berishni talab qildi.
Siyosatchining sheriklari 13 dekabr kuni Navalniyning qaerdaligini aniqlashda BMTdan yordam so`rashgan.
Siyosatchining advokatlari, qarindoshlari va hamkorlari 6 dekabrdan beri u bilan aloqaga chiqmagan. Dastlabki bir necha kun davomida uning advokatlari turli bahonalar bilan koloniyaga kiritilmagan. Shundan so`ng sud Navalniy 11 dekabr kuni aniq qaerda ekanligini ko`rsatmasdan “Vladimir viloyatini tark etganini” aytdi.
18 dekabr kuni Aleksey Navalniyning koloniyadagi qamoqda saqlash sharoitlari haqidagi da`volarini ko`rib chiqayotgan sudlar siyosatchining qaerdaligi “aniqlanmaguncha” ishlarni ko`rib chiqishni to`xtatgan.
Bungacha ham sudlarga siyosatchini video aloqa orqali uchrashuvlarga olib chiqmagan Federal Jazoni ijro etish xizmati buni "elektr bilan bog`liq muammolar" bilan izohlagan.
