Navoiy viloyatida Cobalt avtomobilining gaz balloni portlagan holat yuzasidan viloyat IIB ma`lumot berdi.
Ma`lum bo`lishicha, hodisa joriy yilning 24 dekabr kuni soat 09:50 larda Navoiy viloyatining Qiziltepa tumanidagi avtoturargohda sodir bo`lgan.
Fuqaro F.D.ning Cobalt'iga o`rnatilgan "metan gaz" balloni portlab ketishi natijasida haydovchi F.D. va uning 3 yoshli voyaga etmagan farzandi R.Sh. turli darajadagi tan jarohatlari olib, tuman Tibbiyot birlashmasiga yotqizilgan. Ammo, voyaga etmagan R.Sh. ko`rsatilgan tibbiy muolajalarga qaramasdan, shifoxonaning jonlantirish bo`limida vafot etgan.
IIB xabarida F.D.ning ayni vaqtdagi ahvoli haqida ma`lumot berilmagan.
Hozirda holat yuzasidan Qiziltepa tumani IIB tergov bo`limi tomonidan tergovga qadar tekshiruv harakatlari olib borilmoqda.
