Bugun, 25 dekabr kuni kechki payt kuchli shamol tufayli Buxoro viloyatining Qorako`l tumani markazida bezatilgan Yangi yil archasi qulab tushdi. Bu haqda tuman hokimligi matbuot xizmati xabar berdi.
Keltirilishicha, hodisa oqibatida tan jarohati olganlar yo`q. Ayni paytda archaning karkaslarini ta`mirlash maqsadida demontaj ishlari olib borilmoqda.
«Yangi yil archasi tez orada ta`mirlanib, o`z o`rnida qayta o`rnatiladi va madaniy tadbirlar belgilangan dastur asosida davom ettiriladi» — deyilgan xabarda.
