Ijtimoiy tarmoqlarda Jizzax viloyati Forish tumanida kuchli shamol hokimiyat binosining tomini uchirib ketgani haqida xabar tarqaldi.
Holat yuzasidan tuman hokimligi ma`lumot berdi.
Ma`lum bo`lishicha, Forish tumanida 2024 yil 10 yanvar kuni soat 10:20 larda shamol tezligi 24 m/sekundgacha kuchayishi natijasida aylanma shamol yuz berib, Forish tuman hokimligi binosining katta majlislar zali tom qismidan tom yopgichlarini uchirgan.
Natijada, tunika va taxtalar uchib, hokimiyat avtoturargohida bo`lgan 6 ta avtomashina ustiga tushgan va qisman zarar etkazgan.
"Fuqarolarga hech qanday zarar etkazmadi. Tabiiy ofat natijasida ko`rilgan talafotni bartaraf etish choralari ko`rilmoqda", - deyiladi xabarda.
