Pensiya jamg`armasi qaysi toifa shaxslarga uy-joy-kommunal xizmatlar haqini to`lash bo`yicha kompensasiya to`lanishi haqida eslatma berdi.
O`zbekiston Respublikasi Moliya vazirligining 2010 yil 30 dekabrdagi buyrug`i bilan tasdiqlangan “Uy-joy-kommunal xizmatlar haqini to`lash bo`yicha kompensasiya pul to`lovlarining mexanizmi to`g`risida”gi Nizomga muvofiq, quyidagi shaxslar pensiyani hisoblash bazaviy miqdori (hozirgi kunda 372 ming so`m)ning 45 foizi miqdorida oylik kompensasiya pul to`lovlari oluvchilari hisoblanadi:
1. O`zgalar parvarishiga muhtoj yolg`iz pensiya yoki nafaqa oluvchilar.
2. Ko`rish qobiliyati bo`yicha I guruh nogironligi bo`lgan shaxslar.
3. Chernobil halokati oqibatida jabrlangan fuqarolar.
4. 1941 – 1945 yillardagi urush oqibatida nogironligi bo`lgan shaxslar va uning qatnashchilariga tenglashtirilgan shaxslar.
To`liq ro`yxat bilan ushbu havolada tanishish mumkin.
Shuningdek, yoshi 100 yoshga to`lgan va undan oshgan pensiya va nafaqa oluvchi shaxslar uchun har oyda — pensiyani hisoblashning bazaviy miqdorining 100 foizi miqdorida qo`shimcha to`lov belgilangan.
