Ekologiya vazirligi davlat inspektorlari tomonidan Chirchiq daryosida navbatdagi reyd tadbirlari olib borildi.
Reyd davomida Toshkent viloyatining Quyichirchiq tumanida Chirchiq daryosining muhofaza hududiga yuk mashinasi yordamida qurilish chiqindilari to`kilayotgani aniqlandi.
O`rganish natijasida fuqaro M.D. daryo hududiga chiqindilar to`kib, to`g`on hosil qilgan. U bu qonunbuzarligini Quyichirchiq tumanidagi fermer xo`jalik erlarini sug`orish maqsadida Chirchiq daryosining bir o`zanidan foydalanish uchun amalga oshirganini ta`kidlagan.
Fuqaro bir necha bor ogohlantirilishiga qaramasdan, qurilish chiqindilarini o`zboshimchalik bilan tashlab ketavergan.
Holat yuzasidan tabiatga etkazilgan zarar miqdori hisoblanmoqda va hujjatlar belgilangan tartibda huquqni muhofaza qilish organlariga yuborish uchun tayyorlanmoqda.
