Surxondaryodagi ayrim AYoQShlarda sifatsiz benzin sotilayotgani aniqlandi. Bu haqda viloyat hokimligi matbuot xizmati xabar bermoqda.
Xabarga ko`ra, hududlarda o`tkazilgan o`rganishlar davomida ayrim zapravkalarda Ai-80 markali benzini Ai-95 markasida ko`rsatilib, qimmat narxlarda sotilayotgani aniqlangan.
Qayd etilishicha, hozirda viloyat hokimining tegishli ko`rsatmasi bilan mazkur holatlarga chek qo`yish va ularning oldini olish bo`yicha tegishli chora-tadbirlar amalga oshirilmoqda.
Viloyat hokimligi benzin xarid qilishda iste`molchilarni e`tiborli bo`lishga chaqirib, yuqoridagi kabi holatlarga uchraganda huquqni muhofaza qiluvchi yoki soliq organlariga murojaat qilishni so`radi.
