Ijtimoiy tarmoqlarda metro vagonlarining birida eshik yopilmasdan poezd harakatlanmoqda mazmunidagi xabarlar tarqalmoqda.
Ushbu holat yuzasidan "Toshkent metropoliteni" DUK quyidagilarni ma`lum qiladi:
Joriy yilning 1 fevral sanasi soat 08:55 lar atrofida «Paxtakor» bekatidan harakatlangan 6-sonli harakat tarkibining vagon eshiklaridan birida nosozlik holati kuzatilgan. Shu boisdan, harakat tarkibi keyingi bekatga etib kelganida mashinist tomonidan tekshirilganda, vagon eshigining ariqchasiga yo`lovchilardan birining ruchkasi tushib qolgani aniqlangan va bu esa vagon eshiklari yopilishiga to`sqinlik qilgan.
Hozirgi vaqtda ushbu harakat tarkibi soz holatda harakatlanmoqda.
