Turkiya maxsus xizmatlari maxsus operasiya o`tkazib, IShID tashkilotiga aloqadorlikda gumon qilingan 48 nafar shaxsni hibsga oldi. Bu haqda "Anadolu" nashri xabar berdi.
Manbada aytilishicha, hibsga olinganlar Santa-Mariya cherkoviga uyushtirilgan hujumga aloqadorlikda ham ayblanmoqda. Bu haqda rasman Ichki ishlar vazirligi bayonot bergan.
Rasmiylar butun mamlakat bo`ylab aksilterror operasiyalar davom etayotganini ma`lum qilgan. Hibsga olishlar soni ortishi mumkinligi aytilgan.
“IShID terrorchilik tashkilotiga qarshi olib borilgan operasiyalarda 28-yanvar kuni Istanbuldagi Santa-Mariya cherkoviga uyushtirilgan hujumga aloqador bo`lgan 48 nafar gumondor qo`lga olindi”, — deb xabar bergan Turkiya ichki ishlar vaziri Ali Erlikaya.
Xabarda aytilishicha, hali dalillar topilmaganiga qaramay, Turkiya rasmiylar cherkovda sodir etilgan teraktni IShID faoliyati bilan bog`lamoqda. “Bozdogon-21” operasiyasi ularning aloqalarini to`la fosh etish uchun Istanbul va Anqara polisiya bo`limlari tomonidan Xavfsizlik razvedka boshqarmasi va terrorizmga qarshi kurash boshqarmasi bilan hamkorlikda amalga oshirilmoqda.
Mahbuslarning 30 nafari Istanbulda ushlangan. Yana 18 nafari esa Anqaradagi tezkor tadbirlarda hibsga olingan.
#IShID #terrorchilik #ko`lga olindi