Evropaning eng yirik loukosteri Evropa poytaxtlari va O`zbekiston shaharlari o`rtasida to`g`ridan to`g`ri reyslarni yo`lga qo`yishdan manfaatdor. Bu haqda “Dunyo” AA xabar bermoqda.
Ma`lum qilinishicha, O`zbekistonning Vengriyadagi elchisi Oybek Shaxavdinov Budapeshtda Wizz Air kompaniyasi prezidenti Robert Keri bilan uchrashdi va aviakompaniyaning O`zbekiston aviasiya bozoridagi ishtirokini kengaytirish yuzasidan atroflicha fikr almashdi.
Aviakompaniya Evropa poytaxtlari va O`zbekiston shaharlari o`rtasida to`g`ridan to`g`ri reyslarni yo`lga qo`yishdan manfaatdor ekani ta`kidlandi.
Muzokaralar davomida, shuningdek, Wizz Air bosh direktori Yozef Varadi boshchiligidagi delegasiyaning Toshkent shahriga rejalashtirilgan safari muhokama qilindi.
