Artel kompaniyasi 135-Canton ko`rgazmasida, eksport va import mahsulotlari bo`yicha Osiyoning eng yirik yarmarkasida ishtirok etadi.
Yiliga ikki marta – bahor va kuzda Guanchjou shahrida Xitoyning eng yirik ko`rgazmasi – Canton ko`rgazmasi bo`lib o`tadi, unda butun dunyodan turli formatdagi 200 dan ortiq biznes sohasi vakillari ishtirok etadi. Ko`rgazma 2002 yilda ochilgan va dunyodagi uchinchi yirik ko`rgazma markaziga aylangan Pazhou markazida o`tkaziladi.
Tadbir uch bosqichda o`tkazilib, birinchi bosqich elektrotexnika mahsulotlari va maishiy texnika sanoatiga bag`ishlangan. Artel 15-19 aprel kunlari ko`rgazmada o`z brendi ostida uy va oshxona uchun katta va kichik maishiy texnikaning barcha assortimentlarini taqdim etadi.
Birinchi Canton ko`rgazmasi 1957 yilda bo`lib o`tgan va eksport va import tovarlari uchun zamonaviy savdo ko`rgazmasi turli sohalarning ulkan platformasiga aylangan. 26 mingga yaqin xitoylik va xorijiy kompaniyalar ko`rgazma ishtirokchilari bo`lib, ko`rgazma sessiyasida namoyish etilayotgan mahsulot turlari soni 150 mingdan oshadi.
Artel bunday yirik tadbirlarda birinchi marta qatnashayotgani yo`q. Kompaniya har yili nufuzli joylarda elektrotexnika va elektronika sohasidagi innovasion ishlanmalar va yangi mahsulotlarni taqdim etadi. Artel uchinchi marta o`zining mahsulotlarini Canton ko`rgazmasida taqdim etmoqda, ilgari Artel Berlindagi IFA ko`rgazmasida ishtirok etgan bo`lib, bu esa mahsulotlar butunjahon maishiy texnika bozorida o`z o`rnini egallashini va xalqaro standart talablariga to`liq javob berishini yana bir bor isbotlaydi.