Vazirlar Mahkamasi tomonidan muhokamaga qo`yilgan qaror loyihasiga ko`ra, 1 oktyabrdan boshlab yo`l harakati qoidalarining buzilishi bilan bog`liq holatlar yuzasidan yuborilgan qaror va xabarnomalar bo`yicha YHXXga Yagona interaktiv davlat xizmatlari portali orqali elektron murojaat qilish imkoniyati yaratiladi.
Mazkur xizmat yo`l harakati qoidabuzarliklari bo`yicha IIV JXD YHXXning Yagona avtomatlashtirilgan axborot tizimini «Elektron hukumat» tizimining idoralararo integrallashgan platformasiga integrasiya qilgan holda, Yagona interaktiv davlat xizmatlari portali orqali amalga oshiriladi.
Bunda IIV JXD YHXXga yo`l harakati qoidalarining buzilishi bo`yicha yuborilgan qaror va xabarnomalarga og`zaki yoki yozma murojaat (e`tiroz bildirish) qilishi mumkinligi ham belgilab qo`yilmoqda.
