Qozog`iston Prezidenti Qosim-Jomart Tokaev Markaziy Osiyo davlatlari Xavfsizlik kengashlari kotiblari yig`ilishida so`zlagan nutqida aksariyat zamonaviy chaqiriq va tahdidlar transchegaraviy xususiyatga ega, shuning uchun ularga qarshi kurashish umumiy sa`y-harakatlarni birlashtirishni talab qilishini aytdi. Uning fikricha, Afg`oniston umumiy e`tibor markazida bo`lishi kerak.
Gap, birinchi navbatda, xalqaro ekstremizm va terrorizmga, narkotik moddalarning noqonuniy aylanishiga, qurol-yarog` savdosiga qarshi kurash haqida bormoqda. Bu borada Afg`oniston umumiy e`tiborimiz markazida bo`lishi kerak. Bu mamlakatda murakkab ko`p yo`nalishli jarayonlar sodir bo`lmoqda. Tan olishimiz kerakki, bu mamlakatda iqtisodiy vaziyat barqarorlashuvi va tiklanishining ma`lum belgilari bor”, — dedi prezident.
Boshqa tomondan, uning so`zlariga ko`ra, xalqaro terrorchilik tashkilotlari faoliyati bilan bog`liq yuqori xavflar saqlanib qolmoqda, buni Moskva viloyatidagi qonli terakt ham tasdiqlaydi.
Bizning fikrimizcha, hozirgi bosqichdagi strategik vazifalardan biri Afg`onistonni mintaqaviy aloqalarga faol jalb etishdir. Va bu erda ko`p narsa mamlakatlarimizning kelishilgan pozisiyasiga bog`liq. Biz mamlakatimizda BMTning Markaziy Osiyo va Afg`oniston uchun Barqaror rivojlanish maqsadlari bo`yicha mintaqaviy markazini yaratishni dolzarb deb bilamiz”, — deya qo`shimcha qildi Qosim-Jo`mart To`qaev.
Qozog`iston prezidenti, shuningdek, mintaqa davlatlarini bo`lmoqchi bo`lgan tashqi kuchlarga birgalikda qarshilik ko`rsatishga chaqirdi.
“Sizni ishontirib aytmoqchimanki, biz bunday yondashuv va urinishlarni qat`iyan rad etamiz. Umuman olganda, mamlakatlarimiz biz o`zaro maqbul echim topa olmagan muammolar yo`q va bo`lmasligi ham kerak. Ishonchim komilki, mushtarak harakatlar va o`zaro yordamning uyg`unligigina qardosh xalqlarimiz farovonligiga yo`l ochib beradi”, — dedi u.
