Statistika agentligi ma`lumotlariga ko`ra, 2024 yilning 1 yanvar holatiga O`zbekistondagi muzeylar soni 140 tani tashkil etgan. Bu haqda Statistika agentligi xabar berdi.
Ma`lum qilinishicha, Muzeylarga 2023 yil davomida 5,7 mln kishi tashrif buyurgan.
Mamlakatimizdagi eng ko`p tashrif buyuruvchilarga ega bo`lgan top 5 ta muzeylar:
Registon ansambli – 1 010,8 ming kishi;
Shuningdek, Samarqand davlat muzey qo`riqxonasi – 1 006,6 ming kishi;
G`alaba bog`i yodgorlik majmuasi tarkibidagi Shon-sharaf davlat muzeyi – 648,5 ming kishi;
Xiva Ichan-qal`a davlat muzey qo`riqxonasi – 448,4 ming kishi;
Buxoro davlat muzey qo`riqxonasi – 390,3 ming kishi.
