Shavkat Mirziyoev taklifiga binoan BMT bosh kotibi Antoniu Guterrish 30 iyun kuni rasmiy tashrif bilan O`zbekistonga keldi.
Oliy martabali mehmonni bosh vazir Abdulla Aripov va boshqa rasmiylar kutib oldi.
Ikki kunlik tashrif doirasida Toshkent shahrida oliy darajadagi muzokaralar o`tkazilishi ko`zda tutilgan. Kun tartibidan O`zbekistonning BMT va uning institutlari bilan ko`p qirrali hamkorligini yanada kengaytirish va mustahkamlash masalalari, shuningdek, global siyosat va mintaqaviy hamkorlikning dolzarb jihatlari o`rin olgan.
Mamlakatda barqaror rivojlanish maqsadlariga erishish bo`yicha chora-tadbirlarni qo`llab-quvvatlashga alohida e`tibor qaratiladi.
Tashrif davomida BMT bosh kotibi qator sanoat va ijtimoiy soha ob`ektlarini ham borib ko`radi, ikki tomonlama uchrashuv va tadbirlar o`tkazadi.
